[b]أمثال فلسطينية كح[/b]

مثال فلسطينية كح

إذا انت أمير و أنا أمير ، مين بيسوك الحمير ؟

عاشر المصلي بتصلي و عاشر المغني بتغني

بكره بنكعد عالحيطة وبنسمع الزيطة

لو كان الزلام بشواربهم لكان الصرصور أزلمهم
صار للشرشوحة مرجوحة و لأبو بريص كبكاب

الإبن الوسخ بجيب لأهله
المسبة

إذا كولنالها اطبخي بتكول مريضه

بس اذا كولنالها تعي كلي بتكول وين معلكتي العريضة ؟

الطول طول نخلة والعكل عكل سخلة

اللي بدري بدري واللي ما بدري بيكول كف عدس

كوم حجار ولا هالجار
ضلك ورا العيار لباب الدار

مين بشهد للعروس ؟..إمها و خالتها و عشره من حارتها

لولاكي يا جارتي لفكعت مرارتي!

ما حد بكول عن زيته عكر

يوم إلك ويوم عليك، دير بالك فتح عينيك !

سمره ونغشه؟ ولا بيضة ودفشة!

الجوز رحمة ولو كان فحمة

عندك عيش وعندي عيش، وفراغة العين ليش؟

ريحة الإم بتلم

أخذتك شطر بطر يا سنسونة روحي ، جيت أكيد العدى كدت أنا روحي!

إبنك على ما تربيه و جوزك على ما تعوديه

يا جاي بلا عزيمة يا كليل الكيمة

ضحكة عنزة ع باب مسلخ

يسلموووووووا كتير انس هيك بقينا نعرف الامثال الشعبية

وانشاء الله راح نعرف امثال بقية الدول العربية

سلمت ايها السيد الكريم جمالنا كما يقال في امثالنا تشكر على تلك المساهمه

ما حد بكول عن زيته عكر
تسلم عزيزي انس مشاركها جميله ورائعه

لا تعلـــــــــــــــــــــــــــــــــــــــــــــــ ـــــــــــــــــــــــــــــــــيق لا امــــــــــــــــــــــــــلكــ الــــــــــــــــــــــــــــــــــــــــــــــــ ـــــــــــرد
لانو كل الامثال صح

» موال أم فلسطينية روععععة
» شخصيات فلسطينية تدعو للمصالحة
» أمثال عربية و في المقابل نفس الأمثال بالانجليزية
» صينية الدجاج بالزعتر الورق (اكلة فلسطينية)
» التمثيل الواقعي لعملية ميونخ البطوليه التي نفذتها ايادي فلسطينية شريفة